زر تيربو turbo في ريموت المكيف من الازرار الهامة اللى بنغفل عنها ولكنه سلاح ذو حدين، زى ماممكن يفيدك ممكن يضرك واحنا هنا علشان نساعدك ونشرحلك اهميته ومدى خطورته.

اهمية زرار التيربو في ريموت المكيف

الاول خلينا نقول ان زر الturbo ممكن يكون مكتوب عليه او مش مكتوب ولكن مرسوم رسمة سهم فوقه قوس او اسهم بتلف حولين بعض.

بمجرد مابنفعل زر التيربو في ريموت المكيف سواء المكيف كان على الوضع البارد او الساخن بيبدأ المكيف يلغى اى وضعية ضبط انت كنت ظابط عليها المكيف، طب ليه؟

لان ببساطة زر التيربو بيلغى السينسور (احساس المكيف) بالجو تماماً وهتلاقى المروحة سرعتها ابتدت تعلى جداً .. بمعنى انه بيسرعلك التبريد او التسخين فى المكان بغض النظر عن مستوى السخونة او البرودة فى المكان.

طب ماهو ده شئ كويس .. لا لان زى ماقولنا انه سلاح ذو حدين .. هو فعلاً هيخلى المكيف يشتغل بأعلى طاقة ليه علشان يحققلك النتيجة المطلوبة في اقل وقت لكن بيأذى المكيف وده اللى يخلينا ننتقل لنقطة خطورته.

خطورة زر تيربو turbo في ريموت المكيف؟

لما تستخدم زر تيربو لازم تراعي انه مايتفعلش اكتر من تلت ساعة (عشرين دقيقة) كحد اقصى، علشان ماتدخلش في مشاكل زى:

1-زيادة الجهد علي المكيف وبالتالي هيتلف بسرعة ويحتاج منك كل شوية صيانة واصلاح.

2-زيادة فاتورة الكهرباء، طبيعى جهد المكيف الزائد هيزود من استهلاك الكهرباء وبالتالى ارتفاع الفاتورة.

3-الغاء زر السينسور كل شوية ممكن يتسبب فى تلفه.

4-التعرض للبرودة او الحرارة المفاجئ مش بشكل تدريجى بيأثر على صحة الانسان عموما وبالاخص الاطفال.

شركة اجواء التكييف

وبكده نكون شرحنا اهمية وخطورة زر التيربو في ريموت المكيف ونحب نفكركم اننا افضل شركة فك وتركيب ونقل مكيفات بالرياض .. وعندنا كمان خدمات كتير من صيانة واصلاح مكيفات لتمديد نحاس مولر امريكي وتعبئة وشحن فريون.

وطبعاً غسيل وتنظيف مكيفات وجميع اعمال التكييف الاخرى بأقل الاسعار وبأشراف افضل فنيين التكييف، اتصل بنا واكتشف الفرق بنفسك.