صوت المكيف مزعج؟ اليك الاسباب والحلول

صوت المكيف المزعج تاعب اعصابك ؟ مش قادر تستحمل الحر بس بردو مش قادر تستحمل صوت المكيف ؟ نفسك تنام فى هدوء ومش عارف ؟

يبقى لازم تقرأ المقالة دى وتعرف ايه سبب الصوت المزعج للمكيف الخاص بيك وازاى ترجعه لصوته الهادى.

صوت المكيف المكتوم

لو حسيت ان المكيف صوته عالى بس فى نفس الوقت الصوت متضخم ومكتوم معنى كده ان المكيف محتاج تنظيف وغسيل .. ووقتها هتكون محتاج شركة تنظيف مكيفات موثوقة ومضمونة وسعرها على قد الايد.

ساعتها تقدر تكلمنا نيجى نشيك على المكيف ونأكدلك انه محتاج غسيل ولا لا، احنا مش بعد ماننضفه هنخلى صوت المكيف يرجع لطبيعته وبس ! لا احنا كمان بنساعدك على الاستمتاع بهواء نقى وبنوفرلك فى مصاريف الكهربا.

طب بعد ماينضف كده المشكلة اتحلت تماماً ؟ كده جه دورك كعميل تعمله تنظيف ذاتى اسبوعى بضغطة زرار وهتعرف ازاى من خلال المقالة دى (زر كلين فى ريموت المكيف).

صوت المكيف الكراك

طب لو صوت المكيف شبه صوت العربية وهى بتكارك؟ هنا بنشك ان فيه تأكل فى بعض اجزاء المكيف الداخلية او مشكلة فى قاعدة الماتور .. وقتها بيكون المكيف محتاج لمهندس او فنى تكييف للصيانة واكتشاف المشكلة واصلاحها.

مع شركة اجواء التكييف هتقدر تعمل صيانة لجهاز المكيف الخاص بيك بكل سهولة واحترافية وبأقل سعر، مش بس كده احنا كمان ممكن نوفرلك قطع الغيار.

والاهم من ده كله امانة فنيين التكييف عندنا بمعنى لو جهاز المكيف الخاص بيك هيكلفك مصاريف كبيرة هننصحك توفر فلوس الصيانة وتشترى جهاز جديد، فأكتساب ثقة العملاء اهم عندنا من كسب الفلوس.

صوت طقطقة المكيف

احياناً اول ما بيتم تشغيل المكيف ممكن نسمع صوت طقطقة على فترات فهل الصوت ده محتاج مهندس او فني تكييف؟ فى الحقيقة لا .. لانه صوت طبيعى نتيجة تمدد وانكماش اجزاء المكيف بسبب تغيرات درجات الحرارة من السخونية للبرودة او العكس.

صوت تخبيط في الوحدة الخارجية للمكيف

لو بتسمع صوت تخبيط او الجيران بيشتكوا من الصوت العالى للمكيف .. فيه احتمال يكون وش الوحد الخارجية البلاستيكى مش متثبت بشكل سليم.

لو الوحدة الخارجية في متناول ايدك كعميل ممكن تحاول تربط المسامير بالمفك بشكل افضل ولو الصوت اختفى يبقى ساعتها فعلاً صوت التخبيط كان بسبب كده اما لو مااختفاش ممكن تستعين بفني تكييف يشوفلك المشكلة.

صوت صفير فى المكيف

لو المكيف بيطلع صوت صفير مستمر ومش متعودة تسمعيه قبل كده فغالبا فيه مشكلة محتاجة تتكشف.

ممكن السبب يكون فلتر مسدود او نقص فريون او حتى وجود تسريب بسيط فى دورة التبريد.

لو الصفير جاى مع ضعف فى التبريد او المكيف بقى بياخد وقت طويل عشان يبرد الغرفة يبقى الافضل ماتسيبيش الموضوع وتخلى فنى تكييف يشوف الجهاز قبل ما العطل يكبر.

صوت مياه داخل المكيف

كتير من العملاء بيتصلوا بينا ويقولوا احنا سامعين صوت مويه جوه المكيف.

فى بعض الحالات بيكون ده طبيعى بسبب حركة المياه داخل خرطوم التصريف لكن لو الصوت زاد بشكل ملحوظ او بدأ يصاحبه تنقيط مياه داخل الغرفة فهنا لازم المكيف يتفحص.

فى الغالب بيكون السبب انسداد فى مجرى التصريف او احتياج المكيف لغسيل وتنظيف.

صوت اهتزاز فى المكيف

لو حاسس ان المكيف بيهز او بيطلع صوت رجة وقت التشغيل فممكن تكون المشكلة فى تثبيت الوحدة الداخلية او الخارجية.

كمان احيانا بيكون فيه مسامير مفكوكة او قاعدة الوحدة الخارجية محتاجة ضبط.

الحاجة الحلوة ان النوع ده من الاعطال غالبا بيتحل بسرعة ومش بيحتاج مصاريف كبيرة.

صوت الكمبروسر عالى

الكمبروسر او الكباس هو قلب المكيف ولو صوته بقى اعلى من المعتاد فده ممكن يكون بسبب اجهاد فى التشغيل او وجود مشكلة فنية محتاجة فحص.

خصوصا لو الصوت ظهر فجأة او بقى اعلى من اللى انت متعود عليه.