زر كلين في المكيف
زر كلين في المكيف، النهاردة شركة اجواء التكييف هتكلمكم عن زرار مهم جدا فى ريموت المكيف ممكن تكونوا مش واخدين بالكم منه ولا من مدى اهميته وهو زرار كلين Clean.
اسباب وجود زر كلين في المكيف
تخيل معايا عزيزي الزائر ان اول مابتقفل المكيف بيبدأ بخار المية يتكثف على مراوح التكييف الداخلية، …….. طب وايه المشكلة؟
لا فيه مشكلة، هي المراوح دي مش عليها تراب زيها زى اى جهاز ؟ اكيد …….
طب بخار المية مع التراب يعمل ايه ؟ يعمل طين طبعا …..
تخيل كل يوم يتراكم الطين جوه الجهاز، تفتكر ايه النتيجة؟ نتيجة متوقعة طبعا وهى ان فتحات التهوية هتتسد والحشرات هتتلم والمكيف يعطل وحتى لو فضل شغال ريحة الهوا هتكون مكمكمة وسيئة.
وياريت على قد كده وبس .. لا، ده الجهاز ممكن يصدى من الداخل من بخار المية اللى بيتراكم .
وعلشان كده هتلاقي شركة المكيف عملتلك زرار كلين اللى هيريحك من كل ده، مش كده وبس ده كمان هيطولك العمر الافتراضى للجهاز وهيرحمك من الصيانة المتكررة.
اهمية زر كلين في ريموت المكيف
نستنتج من الفقرة اللى فاتت ايه اهمية زرار كلين في ريموت المكيف .. بالظبط كده اكيد من اسمه هينضف جهاز المكيف لانه ببساطة زرار تنقية للهواء.
طب ازاى بتتم العملية ده ؟
اول مابنفعل خاصية Clean بيبدأ المكيف ينشف ويجفف بخار المية، مش كده وبس ده كمان هيشغل المروحة اللى هتطرد الغبار والاتربة والحشرات المتراكمة وبالتالى مافيش مجال لاى انسدادات تحصل.
يعنى جهازك هينضف، عمره هيطول، هتوفر فلوس غسيل وصيانة مستمرة، وكمان هتستمتع بهواء نقى منعش.
كيفية تفعيل زرار كلين
تفعيل زرار كلين سهل وبسيط:
1- اولاً، نضغط علي زرار كلين او سيلف كلين او اوتو كلين زى مامكتوب فى ريموت المكيف لمدة 3 ثوانى، وهنلاحظ ظهور علامة كلين فى المكيف.
2- ثانياً، نقفل ريموت المكيف من زرار Off.
3- ثالثاً، هنلاحظ ان المروحة الداخلية Fan بتاعة الجهاز هتشتغل وهتفضل مستمرة لمدة 10 دقايق، وفى الاثناء دى هتكون بتجفف بخار المية وبتطرد الاتربة.
4- رابعاً، هننتظر لحد المروحة ماتفصل ذاتياً قبل اعادة التشغيل.
هل يغنى زرار كلين عن تنظيف وغسيل المكيف الخاص بك؟
الاجابة هى لا .. طب ليه؟
لان ببساطة زر كلين هيساعدك فى نضافة المكيف ،ولكن مش بشكل كامل عن طريق انه يقللك عدد مرات الغسيل والصيانة اللى هيحتاج ليها المكيف.
بخلاف ذلك، من الضرورى نعرف ان المكيف محتاج مننا تنضيف للوحدات الخارجية وتغيير للفلاتر والمرشحات وبعض الانابيب الداخلية.
في النهاية، ازاى شركة اجواء التكييف هتساعدك؟
شركة اجواء التكييف هى افضل شركة تنظيف مكيفات بالرياض وبتقدملك عروض حصرية على خدمات غسيل وتنظيف المكيفات والفلاتر بأقل الاسعار وبأعلى جودة.
فجميع الفنيين فى شركتنا مدربين على اعلى مستوى وبيقوموا بتنظيف المكيف بأقصى سرعة وبأحترافية، ومش هتحتاجهم غير مرة واحدة فى السنة لو محافظ على جهازك.
في الخلاصة، اتصل بنا واكتشف الفرق بنفسك.
اقرأ ايضا
زر سليب Sleep في ريموت المكيف واهميته وكيفية ضبطه | شركة اجواء التكييف
زر هيلث (Health) في ريموت المكيف
افضل شركة تنظيف مكيفات بالرياض